Friday, December 2, 2011

दुष्काळाचा अनपेक्षित परिणाम

मी आता अमेरिकेत मुलाकडे राहतो आहे त्यामुळे लिखाणात आता बरेचदा इथले संदर्भ येतील.
कालच इथल्या न्यूयॉर्क टाईम्स मध्ये एक बातमी वाचली. गेली ३-४ वर्षे येथील टेक्सास राज्यात पाउस फारच कमी पडला आहे व दुष्काळ सदृश परिस्थिती आहे. नागरिकाना पिण्याच्या पाण्याचीही टंचाई जाणवते आहे. यात तसे नवीन काही नाही.
दुष्काळामुळे या प्रांतातली अनेक सरोवरे व तळीं आटली आहेत. पाण्याची पातली २० फुट, कोठे ५० फुट खाली गेली आहे. पाण्याखाली असणारा काठावरचा भूभाग उघडा पडला आहे. अनेक बरया वाईट वस्तू उघड्यावर येत आहेत. त्यात एका गावात अनपेक्षितपणे दोन मुलाना पाण्यावर मोठ्या पिम्पासारखे काहीतरी तरंगताना दिसले. ते त्यांनी आपल्या आजोबाना दाखवले. त्याना काही शंका आल्यामुळे ते तिघेही होडीतून त्या वस्तू पर्यंत पोचले तेव्हां लक्षात आले कीं ती एक मोटार आहे. मग त्यांनी साहजिकच पोलिसांना बोलावले. त्यांनी ती मोटरकार पाण्याबाहेर ओढून काढली तेव्हां ड्रायव्हरच्या सीटवर एक स्त्री पट्टा बांधून बसलेली, अर्थातच मृत अवस्थेत, आढळली. त्या स्त्रीने उघडच आत्महत्या केलेली होती. तपासांती उघडकीस आले कीं ती बेपत्ता असल्याची तक्रार काही काळापूर्वीच तिच्या नातेवाई कानी नोंदवलेली होती मात्र तिचा तपास लागलेला नव्हता.
तिच्या तरुण मुलाने जवळच्याच एका तळ्यात जीव दिला होता. तो आघात न सोसून तिनेही अशा प्रकारे आत्महत्या केली असा निष्कर्ष काढला गेला. तिच्या नातेवाईकाना वाईट तर वाटलेच पण एका परीने खरी हकीगत कळली व विषय संपला याचे काहीसे समाधान झाले.

No comments:

Post a Comment